ഇടുക്കി വണ്ണപ്പുറം പഞ്ചായത്തിലെ മുള്ളരിങ്ങാട് അമയല്തൊട്ടിക്കു സമീപം ജനവാസ മേഖലയിലിറങ്ങിയ കാട്ടാനയുടെ പരാക്രമത്തില് വീടു തകര്ന്നു. കൂറ്റന് മരം കാട്ടാന വീടിനു മുകളിലേക്ക് മറിച്ചിടുകയായിരുന്നു. മരം വീണതിനെത്തുടര്ന്നു വീട് പൂര്ണമായും തകര്ന്നു.നരിതൂക്കില് ജോണിയുടെ വീടാണ് തകര്ന്നത്. ഇന്നു പുലര്ച്ചെ നാലരയോടെയായിരുന്നു സംഭവം.
കാട്ടാന ഭീതിയെത്തുടര്ന്ന് വീട്ടുകാര് ഇന്നലെ രാത്രി വീട്ടില് നിന്നും മാറി നിന്നതിനാല് ദുരന്തം ഒഴിവായി. കാട്ടാന ഭീഷണി നില നില്ക്കുന്നയിടമാണ് മുള്ളരിങ്ങാട് മേഖല.2024 ഡിസംബര് 29ന് അമയല്തൊട്ടി സ്വദേശി പാലിയത്ത് ഇബ്രാഹിമിന്റെ മകന് അമര് ഇബ്രാഹിം (22) കാട്ടാന ആക്രമണത്തില് കൊല്ലപ്പെട്ടിരുന്നു.
