സംഗീത സംവിധായകൻ കൈതപ്രം വിശ്വനാഥൻ അന്തരിച്ചു.

 

സംഗീതസംവിധായകനും ഗായകനുമായ കൈതപ്രം വിശ്വനാഥൻ ( 58 ) അന്തരിച്ചു.

Web Desk/ 29-Dec-2021/ 03.30PM

 സംഗീത സംവിധായകനും ഗാനരചയിതാവുമായ കൈതപ്രം ദാമോദരൻ നമ്പൂതിരിയുടെ സഹോദരനാണ് . ഇരുപതിലേറെ ചിത്രങ്ങൾക്കു സംഗീതസംവിധാനം നിർവഹിച്ചിട്ടുണ്ട് .അർബുദ ബാധിതനായി ഒരു വർഷത്തിലേറെയായി ചികിത്സയിൽ കഴിയുകയായിരുന്നു.  പരേതരായ കണ്ണാടി കേശവൻ നമ്പൂതിരിയുടെയും അദിതി അന്തർജനത്തിന്റെയും മകനായി 1963 ൽ കണ്ണൂർ ജില്ലയിലെ കൈതപ്രം ഗ്രാമത്തിലാണ് ജനനം . തിരുവനന്തപുരം സ്വാതിതിരുനാൾ സംഗീത കോളജിൽനിന്നു ഗാനഭൂഷണം പാസായിട്ടുണ്ട് . ജയരാജിന്റെ കളിയാട്ടത്തിലാണ് ആദ്യമായി സംഗീതസംവിധാനം നിർവഹിച്ചത് . കണ്ണകി , തിളക്കം , എകാന്തം മുതലായവയാണ് ശ്രദ്ധേയ ചിത്രങ്ങൾ മികച്ച പശ്ചാത്തല സംഗീതത്തിനുള്ള സംസ്ഥാന ചലച്ചിത്ര പുരസ്കാരം ലഭിച്ചിട്ടുണ്ട് കരിനീലക്കണ്ണഴകീ ( കണ്ണകി ) , കയ്യെത്തും ദൂരെ ഒരു കുട്ടിക്കാലം ( ഏകാന്തം ) , നീയൊരു പുഴയായ് , എനിക്കൊരു പെണ്ണുണ്ട് ( തിളക്കം ) ആടെടീ ആടാടെടീ ആലിലക്കിളിയേ തുടങ്ങിയ ഗാനങ്ങൾ ശ്രദ്ധേയമായവയാണ് . ഭാര്യ ഗൗരിക്കുട്ടി മക്കൾ അദിതി , നർമദ , കേശവ്

Read Also: ഇടുക്കി, ചെറുതോണി അണക്കെട്ടുകളിൽ സന്ദർശകർ നിറയുമ്പോഴും ആവശ്യത്തിന് സൗകര്യങ്ങൾ ഒരുക്കാതെ ജില്ലാ ആസ്ഥാന മേഖലയിലെ വിനോദ സഞ്ചാര സാധ്യതകൾക്ക് നേരെ അധികൃതരുടെ അവഗണന തുടരുന്നു. പ്രതിദിനം ആയിരകണക്കിന് ആളുകൾ സന്ദർശിക്കാൻ എത്തുമ്പോഴും ഇടുക്കി അണക്കെട്ടിൽ സഞ്ചാരികൾക്ക് വേണ്ടി സർവീസ് നടത്തുന്നത് ഒരു ബോട്ട് മാത്രം. മൂന്നാർ തേക്കടി മേഖലകളിലെ റിസോർട്ടു മാഫിയകൾക്ക് വേണ്ടി ഇടുക്കി ടൂറിസത്തെ ഉദ്യോഗസ്ഥർ അവഗണിക്കുകയാണ് എന്നാണ് ആക്ഷേപം