മദ്യപിച്ച് കാൽ നിലത്തുറക്കാതെ നിന്ന് എഎസ്ഐയുടെ ഗതാഗത നിയന്ത്രണം; പോലീസ് ഉദ്യോഗസ്ഥന് സസ്പെൻഷൻ.

 എരുമേലിയിൽ മദ്യപിച്ച് ഡ്യൂട്ടിക്കെത്തിയ പൊലീസ് ഉദ്യോഗസ്ഥന് ശ്രീനാഥ് ആണ് സസ്പെൻഷനിൽ ആയത് . കോട്ടയം ജില്ലാ പോലീസ് മേധാവി ഡി ശില്പ ഐപിഎസാണ് ഉദ്യോ​ഗസ്ഥനെ സസ്പെൻഡ് ചെയ്തത്.

ഏറ്റൂമാനൂർ സ്റ്റേഷനിലെ ഗ്രേഡ് എഎസ്ഐ ആയിരുന്നു ശ്രീനാഥ്. ശബരിമല മണ്ഡലകാലത്തിനോടു അനുബന്ധിച്ച് സ്പെഷ്യൽ ഡ്യൂട്ടിയിലായിരുന്നു ശ്രീനാഥ്.  മദ്യലഹരിയിൽ ഗതാഗതം നിയന്ത്രിക്കുന്ന ദൃശ്യം സാമൂഹിക മാധ്യമങ്ങളിൽ കഴിഞ്ഞ ദിവസം പ്രചരിച്ചിരുന്നു.നാട്ടുകാർ വിവരം അറിയിച്ചതിനെ തുടർന്ന് എരുമേലി പോലീസ് സ്ഥലത്തെത്തി ഇയാളെ എവിടെനിന്ന് മാറ്റുകയായിരുന്നു.

ഉത്തരവാദിത്തപ്പെട്ട പൊലീസ് ഉദ്യോഗസ്ഥനില്‍ നിന്നും വന്നിട്ടുള്ളത് ഗുരുതരമായ അച്ചടക്കലംഘനം ആയതിനാല്‍ ഉടനടി  പൊലീസ് ഉദ്യോഗസ്ഥനെ  സസ്‌പെന്‍ഡ് ചെയ്യുകയായിരുന്നു.