ഏലക്ക എത്തിച്ചു നല്‍കാമെന്ന് വിശ്വസിപ്പിച്ച് വ്യാപാരികളില്‍ നിന്നും ലക്ഷങ്ങള്‍ തട്ടിയ വണ്ടന്മേട് സ്വദേശിയാണ് പോലീസ് പിടിയിലായത്.
വണ്ടന്മേട് കാര്‍ത്തിക വിലാസം വിജയകുമാര്‍ ആണ് കട്ടപ്പന പൊലീസിന്റെ പിടിയിലായത്. കട്ടപ്പനയിലെ വ്യാപാരിയില്‍ നിന്നും 25.5 ലക്ഷം രൂപയോളം തട്ടിയെടുത്ത കേസിലാണ് ഇയാൾ അറസ്റ്റിലായത്. കഴിഞ്ഞ ഒക്‌ടോബര്‍, നവംബര്‍ മാസങ്ങളിലായിട്ടാണ് കട്ടപ്പനയിലെ വ്യാപാര സ്ഥാപനത്തില്‍ ഇയാള്‍ ഏലക്ക എത്തിച്ചു നല്‍കാമെന്ന് വിശ്വസിപ്പിച്ച് പണം കൈപ്പറ്റിയത്. ഇയാൾ വ്യാപാരിയിൽ നിന്നും അക്കൗണ്ടിലൂടെ 23 ലക്ഷം രൂപയും 3.5 ലക്ഷം രൂപ നേരിട്ടും കൈപ്പറ്റി. എന്നാല്‍ സമയം കഴിഞ്ഞിട്ടും ഏലക്കാ എത്തിച്ചു നല്‍കാതിരുന്നതിനെ തുടര്‍ന്ന് വ്യാപാരി നിരന്തരം ഫോണില്‍ ബന്ധപ്പെട്ടെങ്കിലും ഫലമുണ്ടായില്ല. തുടര്‍ന്ന് കട്ടപ്പന പോലീസില്‍ പരാതി നല്‍കുകയായിരുന്നു.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
Also Read:ഇടുക്കി സേനാപതിയിൽ വാക്കുതർക്കത്തെ തുടർന്ന് ജ്യേഷ്ഠനെ വെടിവച്ച സംഭവത്തിൽ സഹോദരൻ പോലീസ് കസ്റ്റഡിയിൽ.
