.jpeg "𝐌𝐊𝐌 𝐏𝐎𝐋𝐘𝐂𝐋𝐈𝐍𝐈𝐂𝐒 𝐀𝐍𝐃 𝐃𝐈𝐀𝐁𝐄𝐓𝐄𝐒 𝐂𝐄𝐍𝐓𝐑𝐄 NEAR HOLDIAY HOME,KK ROAD KUMILY 𝐏𝐇: 𝟗𝟐𝟎𝟕𝟖𝟐𝟑𝟖𝟓𝟔")
ഇടുക്കിയിലെ ഭൂ പ്രശനങ്ങൾ പരിഹരിക്കണമെന്ന ആവശ്യവുമായി മെയ് 12 ന് സംസ്ഥാന സർക്കാരിന്റെ ഒന്നാം വാർഷികാഘോഷ വേദിയായ ഇടുക്കിയിലേക്ക് ബഹുജന മാർച്ച് നടത്താൻ അടിമാലിയിൽ ചേർന്ന അതിജീവന പോരാട്ട വേദി യോഗം തീരുമാനിച്ചു. 64 ലെ ഭൂ പതിപ്പ് ചട്ടത്തിൽ ഭേദഗതി വരുത്തുന്നത് വരെ സമരം തുടരാനാണ് ഇന്ന് ചേർന്ന യോഗത്തിലെ പ്രധാന തീരുമാനം.
വാഴത്തോപ്പിൽ നടക്കുന്ന സർക്കാരിന്റെ ഒന്നാം വാർഷിക ആഘോഷ വേദിയിലേക്കാണ് മാർച്ച് നടത്തുന്നത്. ജില്ലയിലെ കുടിയേറ്റ കർഷകർ, വ്യാ പാരികൾ, കാച്ച്മെന്റ് ഏരിയകളിൽ താമസിക്കുന്ന കർഷകർ ഉൾപ്പെടെ രണ്ടായിരത്തോളം പേർ പങ്കെടുക്കുന്ന സമരപരിപാടികൾക്കാണ് സമിതി രൂപം നൽകിയിരിക്കുന്നത്. പിന്നീട് സെക്രട്ടേറിയേറ്റിനു മുൻപിലേക്കും സമരം വ്യാപിപ്പിക്കും. ജില്ലയിലെ പട്ടയഭൂമി വിഷയങ്ങൾ,കെട്ടിട നിർമാണ നിരോധനം,വന്യജീവികളുടെ ആക്രമണം മൂലമുണ്ടാകുന്ന കൃഷിനാശം, ബഫർസോൺ വിഷയങ്ങൾ തുടങ്ങി ജില്ലയിലെ കുടിയേറ്റ ജനതയെ സ്വയം ഒഴിയേണ്ട അവസ്ഥയിലേക്കെത്തിക്കുന്ന സർക്കാർ നടപടികൾ അവസാനിപ്പിച്ച് ഇവിടെ എല്ലാ ജില്ലകളിലുമുള്ള ജനങ്ങൾ അനുഭവിക്കുന്ന സ്വാതന്ത്ര്യത്തോടെ ജീവിക്കാൻ അനുവദിക്കുക എന്ന ആവശ്യം ഉന്നയിച്ചാണ് സമ രം നടത്തുന്നത്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
