ഇടുക്കി ഗവ.എൻജിനീയറിങ് കോളേജിന് വീണ്ടും മാനക്കേട് വരുത്തി കഞ്ചാവ് ഉപയോഗിച്ച് വിദ്യാർത്ഥികൾ; കോളേജ് പരിസരത്ത് വച്ച് കഞ്ചാവ് വലിക്കുന്നതിനിടെ വിദ്യാർത്ഥികളെ പോലീസ് പിടികൂടി.

  ഇടുക്കി ഗവ.എൻജിനീയറിങ് കോളേജിൽ കഞ്ചാവ് വലിക്കുന്നതിനിടെ വിദ്യാർത്ഥികളെ പോലീസ് പിടികൂടുകയായിരുന്നു.  ഇന്ന് ഉച്ചക്കുശേഷമാണ് മൂന്ന് വിദ്യാർത്ഥികളെ പോലീസ് പിടികൂടിയത്.

കോളേജിലും പരിസര പ്രദേശങ്ങളും കഞ്ചാവിൻറെയും മറ്റ് ലഹരി വസ്തുക്കളും വ്യാപകമായ ഉപയോഗവും വിൽപ്പനയും നടക്കുന്നുണ്ടെന്ന് പൊലീസിന് വിവരം ലഭിച്ചിരുന്നു. ഇതേതുടർന്ന് കോളേജ്ജ് പരിസരത്ത് ഇടുക്കി സി ഐ  ബി ജയന്റെ നേതൃത്വത്തിലുള്ള പോലീസ് സംഘം നടത്തിയ പരിശോധനയിലാണ് വിദ്യാർത്ഥികൾ പിടിയിലായത്. വലിച്ചുകൊണ്ട് ഇരിക്കുമ്പോൾ  പോലീസിന്റെ പിടിയിലകപ്പെടുകയായിരുന്നു. തുടർന്ന് പോലീസ് നടത്തിയ വിശദമായ  പരിശോധനയിൽ കൂടുതൽ കഞ്ചാവ് കണ്ടെത്താൻ കഴിഞ്ഞില്ല. തുടർന്ന്  മൂവരെയും കേസ് എടുത്ത് സ്റ്റേഷൻ ജാമ്യത്തിൽ വിടുകയായിരുന്നു. അതേസമയം കഞ്ചാവ് എവിടെ നിന്ന് ലഭിച്ചു എന്നതിനെ കുറിച്ച് വിശദമായി പോലീസ് അന്വേഷണം ആരംഭിച്ചു. 

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

ഇടുക്കി ഗവ. എൻജിനീയറിങ് കോളേജിൽ കോളേജ്ജ് യൂണിയൻ  തിരഞ്ഞെടുപ്പുമായി ബന്ധപ്പെട്ട് നടന്ന സംഘർഷത്തിൽ ധീരജ് എന്ന വിദ്യാർത്ഥി മരണപ്പെട്ടിരുന്നു. കെ എസ് യു -  എസ്  എഫ് ഐ സംഘര്ഷത്തിലാണ് കൊലപാതകം നടന്നത്. വിദ്യാർത്ഥികൾക്കിടയിൽ പ്രകോപനപരമായ രീതിയിൽ അക്രമം അഴിച്ചുവിടാനുള്ള കാരണം ലഹരി വസ്തുക്കളുടെ ഉപയോഗമാണെന്ന് നേരത്തെ ആക്ഷേപം ഉയർന്നിരുന്നു. കോളേജ്ജ് പരിസരത്തുനിന്നും ഇത്തരത്തിൽ വിദ്യാർത്ഥികളെ പിടികൂടിയതിനാൽ കോളേജ്ജ് ഹോസ്റ്റലിലും പരിസരത്തും കൂടുതൽ പരിശോധന നടത്തണമെന്ന ആവശ്യം ശക്തമാവുകയാണ്. കഴിഞ്ഞ കുറച്ചു നാളുകൾക്കുള്ളിലാണ്  ഇടുക്കി ഗവ. എൻജിനീയറിങ് കോളേജിൽ അക്രമസംഭവങ്ങളും കൊലപാതകവും ഉണ്ടായത്. ലഹരി വസ്തുക്കളുടെ ഉപയോഗം ഇല്ലാതാക്കിയാൽ കോളേജ്ജ് ക്യാമ്പസിൽ പഴയ അന്തരീക്ഷം തിരിച്ചുവരുന്നെന്നാണ് പ്രതീക്ഷ.

Also Read: ഇടുക്കിയിൽ ആത്മഹത്യക്ക് ശ്രമിച്ച യുവതി ചികിത്സയിലിരിക്കെ മരിച്ചു.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ക്ലിക്ക്

 സന്ദർശിക്കുക.  www.honesty.news