വീടിന് തീപിടിച്ച് ദമ്പതികൾ മരിച്ച സംഭവം ആത്മഹത്യയെന്ന് പൊലീസ്. ഇടുക്കി ജില്ലയിലെ പുറ്റടിയിലാണ് വീടിനു തീ പിടിച്ച് രണ്ടു പേർ മരിച്ചത്.
ഇടുക്കി പുറ്റടി സ്വദേശിയായ രവീന്ദ്രൻ (50), ഭാര്യ ഉഷ (45) എന്നിവരാണ് ഇന്ന് പുലർച്ചെ വീടിന് തീപിടിച്ച് മരിച്ചത്. ഇപ്പോൾ ഇവരുടെ മരണം ആത്മഹത്യയാണെന്ന പ്രാഥമിക നിഗമനത്തിലാണ് പൊലീസ്. കുടുംബ പ്രശ്നങ്ങൾ ആണ് കാരണം ഇവർ ആത്മഹത്യ ചെയ്യുകയായിരുന്നുവെന്നാണ് പൊലീസ് ഭാഷ്യം. ഇത് വ്യക്തക്കുന്ന സന്ദേശങ്ങൾ കുടുംബ വാട്സ്ആപ്പ് ഗ്രൂപ്പിൽ അയച്ചിട്ടുള്ളതായും പൊലീസ് കണ്ടെത്തി. സംഭവത്തിൽ ഗുരുതരമായി പൊള്ളലേറ്റ രവീന്‍റെയും ഉഷയുടെയും മകൾ ശ്രീധന്യ കോട്ടയം മെഡിക്കൽ കോളേജിൽ ചികിത്സയിലാണ്.
ഇന്ന് പുലർച്ചെ ഒരു മണിയോടെയാണ്, വീടിന് തീപിടിച്ചത്. ഷോർട്ട് സർക്യൂട്ട് മൂലം കുടുംബാഗങ്ങൾ കിടന്നിരുന്ന മുറിയിൽ തീ പടരുകയായിരുന്നുവെന്നാണ് ആദ്യം വാർത്തകൾ വന്നത്. തീ പിടിച്ച് മേൽക്കൂരയിലെ ആസ്ബറ്റോസ് ഷീറ്റുകളും പൊട്ടിതെറിച്ചു. ഷീറ്റുകൾ, മരണപ്പെട്ട രവീന്ദ്രന്റെയും ഉഷയുടെയും ദേഹത്തേയ്ക് പതിയ്ക്കുകയും ചെയ്തു. ഷീറ്റുകൾ പൊട്ടി തെറിയ്ക്കുന്ന ശബ്ദവും ശ്രീധന്യയുടെ നിലവിളിയുംകേട്ട് എത്തിയ നാട്ടുകാരനാണ് രക്ഷാപ്രവർത്തനം ആരംഭിച്ചത്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
