കനത്ത മഴയെ തുടർന്ന് നേര്യമംഗലം-ഇടുക്കി റോഡ് തകർന്നു. നീണ്ടപാറ പത്താം വാർഡിൽ വായനശാലാ പടിക്ക് സമീപമാണ് റോഡ് പൂർണ്ണമായി തകർന്നത്. നേര്യമംഗലത്ത് നിന്നും ഇടുക്കിയിലേക്ക് പോകുന്ന പ്രധാന പാതയാണ് തകർന്നത്. സംഭവത്തെ തുടർന്ന് ഒരു ഭാഗത്തേക്ക് മാത്രമാണ് വാഹനങ്ങൾ കടത്തിവിട്ടിരുന്നത്. കുത്തിയൊലിച്ചെത്തിയ വെള്ളം പതിച്ചാണ് റോഡ് പൂർണമായും തകർന്നത്.
Also Read: ഇടുക്കി വണ്ണപ്പുറത്തിന് സമീപം ഒരാൾ വെട്ടേറ്റ് മരിച്ചു; വെട്ടേറ്റത് ഇന്നലെ അർധരാത്രി.
ഫയർ ഫോഴ്സ് എത്തി രാത്രി റോഡ് ബ്ലോക്ക് ചെയ്തു. ഇന്ന് പിഡബ്യുഡി ഉദ്യോഗസ്ഥർ സ്ഥലത്ത് എത്തി പരിശോധന നടത്തി സർക്കാരിന് റിപ്പോർട്ട് സമർപ്പിക്കും. തുടർന്ന് പണി പൂർത്തിയാക്കി ഗതാഗതം പുനസ്ഥാപിക്കും. ഇപ്പോൾ ഇതുവഴി ബസുകളോ മറ്റ് ഭാരവാഹനങ്ങളോ ഒന്നും തന്നെ കടത്തിവിടുന്നില്ല. നേര്യമംഗലത്ത് നിന്ന് അടിമാലി വഴിയാണ് വാഹനങ്ങൾ കടത്തിവിടുന്നത്.
 |
ഇന്നലെ രാത്രി വരെ പ്രദേശത്ത് ശക്തമായ മഴയായിരുന്നു. രാവിലെ മഴയ്ക്ക് ശമനം ഉണ്ട്. റോഡിന് ഒരു വശം വനമേഖലയാണ്. വനത്തിനുള്ളിൽ ഉരുൾപൊട്ടിയതായും ജലപ്രവാഹത്തിന് കാരണമെന്ന് സംശയം ഉണ്ട്. വലിയ അപകടഭീക്ഷണി നിലനിൽക്കുന്ന പ്രദേശമാണ് നീണ്ടപാറ. നിരവധി വീടുകളാണ് ഇവിടെ ഉള്ളത്. നേര്യമംഗലം ഇരുമ്പുപാലം റോഡിലും മലവെള്ളപ്പാച്ചിൽ ഉണ്ടായി.
കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്
 |
