മീൻ പിടിക്കാകാനെത്തിയവരെ കമ്പിവടിക്ക് തലക്ക് അടിച്ച് പരിക്കേൽപിച്ച സംഭവം; മൂന്ന് പേർ അറസ്റ്റിൽ.

തൊടുപുഴ മലങ്കര ജലാശയത്തിൽ മീൻ പിടിക്കാകാനെത്തിയവരെ കമ്പിവടിക്ക് തലക്ക് അടിച്ച് പരിക്കേൽപിച്ച സംഭവത്തിൽ മൂന്ന് പേർ അറസ്റ്റിലായി. മുട്ടം മഠത്തിപറമ്പിൽ രാഹുൽ (29), കുമാരമംഗലം കുന്നേൽ വീട്ടിൽ പ്രശാന്ത് (36), കോട്ടയം മീനച്ചിൽ കൊണ്ടനാനിക്കൽ വീട്ടിൽ രാജേഷ് (53) എന്നിവരാണ് പിടിയിലായത്. രണ്ടാം പ്രതി മഠത്തിപ്പറമ്പിൽ വീട്ടിൽ കുഞ്ഞുമോൻ ഒളിവിലാണ്. പ്രതികൾ ഉപയോഗിച്ചിരുന്ന ഫൈബർ വള്ളം പൊലീസ് കസ്റ്റഡിയിൽ എടുത്തിട്ടുണ്ട്.

Also Read:  ഉടുമ്പന്നൂരിന് സമീപം കീഴാര്‍കുത്തില്‍ ട്രക്കിംഗിനു പോയ യുവാവ് അപകടത്തിൽപ്പെട്ടു; 30 അടി ചെങ്കുത്തായ താഴ്ചയിലേക്കു വീണ യുവാവിനെ രക്ഷപെടുത്തിയത് നാല് മണിക്കൂര്‍ നേരത്തെ കഠിന പരിശ്രമത്തിനൊടുവിൽ.

ഞായറാഴ്ച രാത്രി എട്ടരയോടെ മലങ്കര ജലാശയത്തിന്റെ ഭാഗമായ ശങ്കരപ്പള്ളി ഭാഗത്ത് വള്ളത്തിൽ മീൻ പിടിക്കുന്നതിനിടെ പനയ്ക്കൽ ധനേഷ് (35) ധനേഷിന്റെ ജ്യേഷ്ഠന്റെ മകൻ അശ്വിൻ (1) എന്നിവർക്ക് നേരെയാണ് ആക്രമണം ഉണ്ടായത്. കമ്പി വടി കൊണ്ടുള്ള അടിയേറ്റ്  ധനേഷിന്റെ തലയ്ക്കും, അശ്വിന്റെ പുറത്തിനും പരിക്കേറ്റിട്ടുണ്ട്.

ധനേഷിന്റെ വീടിന് മുന്നിലുള്ള ഭാഗത്ത് ഫൈബർ വള്ളത്തിൽ മീൻ പിടിക്കുകയായിരുന്നു ധനേഷും അശ്വിനും. ഈ സമയം മറ്റൊരു വള്ളത്തിൽ വന്ന പ്രതികളായ നാല് പേരും ചേർന്ന് ധനേഷ് മീൻ പിടിത്തത്തിൽ ഏർപ്പെട്ടിരുന്ന ഭാഗത്ത് മീൻ പിടിക്കാൻ അനുവദിക്കില്ലായെന്ന് ആക്രോശിച്ച് ആക്രമിക്കുകയായിരുന്നു. ആക്രമണത്തിൽ  ധനേഷിന്റെ വള്ളം തകരുകയും കൈയിലുണ്ടായിരുന്ന മൊബൈൽ ഫോൺ, സ്വർണമാല എന്നിവ നഷ്ടപ്പെട്ടതായും പരാതിയിൽ വ്യക്തമാക്കുന്നുണ്ട്.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്