വിപണിയിൽ സ്വർണവിലയുടെ വൻ കുതിച്ചുചാട്ടം. ജൂലൈ മാസം ആരംഭിച്ചതു മുതൽ ഏറിയും കുറഞ്ഞും ചാഞ്ചാടുന്ന സ്വർണവില ഇപ്പോൾ മാസത്തിലെ റെക്കോട് വില പിന്നിടുകയാണ്. ഇന്ന് പവന് 520 രൂപ ഉയർന്ന് 54,120 രൂപയിലും, ഗ്രാമിന് 65 രൂപ കൂടി 6,765 രൂപയിലുമാണ് വ്യാപാരം പുരോഗമിക്കുന്നത്. ഇന്നലെ ഗ്രാമിന് 6,700 രൂപയും, പവന് 53,600 രൂപയുമായിരുന്നു വില. രണ്ട് ദിവസമായി വിലയിൽ കാര്യമായ മാറ്റങ്ങളൊന്നും ഇല്ലാതിരുന്ന ഇടത്തു നിന്നാണ് ഈ ചാട്ടം.
സ്വർണം വാങ്ങാൻ പദ്ധതിയിടുന്നവർഡ കുറച്ച് നാളത്തേയ്ക്ക കാത്തിരിക്കേണ്ടിവരും. കാരണം വിപണിയിൽ വില കുറയുന്നതിൻ്റെ അംശവും ഉയരുന്നതിൻഅറെ അംശവും തമ്മിൽ വലിയ വ്യത്യാസമാണുള്ളത്. അതുകൊണ്ടുതന്നെ നിലവിലെ സാഹചര്യത്തിൽ സ്വർണ വില ഉയരാൻ തന്നെയാണ് സാധ്യത .
ആഗോള വിപണികളിലെ വിലമാറ്റങ്ങള് ഡോളറിലായതിനാല് തന്നെ നേരിയ മാറ്റങ്ങള് പോലും പ്രാദേശിക വിപണികളില് വലിയ ചലനങ്ങള് സൃഷ്ടിക്കും. ഡോളര്- രൂപ വിനിമയ നിരക്കും ഇവിടെ വളരെ പ്രധാനമാണ്. ഡോളറിനെതിരേ രൂപ വന് തിരിച്ചടി നേരിടുന്ന സമയമാണിത്. ആഗോള വിപണിയില് എണ്ണവില കുതിപ്പു തുടങ്ങിയതോടെ പണപ്പെരുപ്പ ആശങ്ക വര്ധിക്കുന്നതും സ്വര്ണവില കൂടാന് കാരണമായി.
