ഇടുക്കി കീരിത്തോട് പെരിയാർ വാലിയിൽ മീൻ പിടിക്കാനിറങ്ങിയ പ്ലസ് ടു വിദ്യാർത്ഥി മുങ്ങിമരിച്ചു. മുരിക്കാശ്ശേരി തേക്കുംകണ്ടം സ്വദേശി കല്ലിങ്കൽ രതീഷ് ആണ് മരിച്ചത്. പതിനേഴ് വയസ്സായിരുന്നു. ഇന്ന് ഉച്ചയോടെയാണ് നാടിനെ കണ്ണീരിലാഴ്ത്തിയ ഈ അപകടം നടന്നത്.
മുരിക്കാശ്ശേരിയിൽ നിന്ന് മൂത്ത സഹോദരൻ അജീഷിനൊപ്പം പെരിയാർ വാലിയിൽ മീൻ പിടിക്കാൻ എത്തിയതായിരുന്നു രതീഷ്. മീൻ പിടിക്കുന്നതിനിടെ കാൽ വഴുതി രതീഷ് വെള്ളത്തിൽ മുങ്ങിപ്പോവുകയായിരുന്നു. ഇത് കണ്ട്, സഹോദരനെ രക്ഷിക്കാൻ അജീഷും വെള്ളത്തിലേക്ക് ചാടിയെങ്കിലും ഇരുവരും കയത്തിൽ മുങ്ങിത്താഴുകയായിരുന്നു.
തുടർന്ന് വിവരമറിഞ്ഞ് ഓടിക്കൂടിയ പ്രദേശവാസികളാണ് ഇരുവരെയും കരയ്ക്ക് കയറ്റിയത്. ഗുരുതരാവസ്ഥയിലായിരുന്ന രതീഷിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പതിനാറാം ഗവൺമെന്റ് സ്കൂളിലെ പ്ലസ് ടു വിദ്യാർത്ഥിയായിരുന്നു മരിച്ച രതീഷ്. രതീഷിന്റെ മൃതദേഹം നിലവിൽ ഇടുക്കി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിട്ടുണ്ട്. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക...👉👉👉...ക്ലിക്ക്.
