തൃശൂർ ഒല്ലൂരിലെ ബന്ധു വീട്ടില്‍ വിരുന്നിനെത്തിയ ഇടുക്കി സ്വദേശിയായ യുവാവ് കുളത്തില്‍ വീണ് മുങ്ങി മരിച്ചു. ഇടുക്കി മങ്കുളം സ്വദേശി നെല്ലംകുഴി വീട്ടില്‍ സണ്ണിയുടെ മകൻ ബിറ്റോ (22) ആണ് മരിച്ചത്. ചിയ്യാരത്തുള്ള ബിറ്റോയുടെ അമ്മായിയുടെ വീട്ടിലേക്ക് വന്നതായിരുന്നു. ചിയ്യാരത്തെ കാരമുക്ക് കുളത്തില്‍ ബന്ധുവിനൊപ്പം കുളിക്കാൻ ഇറങ്ങിയതായിരുന്നു ബിറ്റോ. വെള്ളത്തില്‍ മുങ്ങി പോയ ബിറ്റോയെ അഗ്നി രക്ഷാസേന എത്തിയാണ് പുറത്തെത്തിച്ചത്. ആശുപത്രിയില്‍ എത്തിച്ചെങ്കിലും ബിറ്റോയുടെ ജീവൻ രക്ഷിക്കാനായില്ല. അമ്മ ഷിനി. സഹോദരങ്ങള്‍: ബ്രിറ്റോ, ബിൻ്റോ.
