News Desk
കര്ഷകര് മുന്നോട്ടുവച്ച എല്ലാ ആവശ്യങ്ങളും കേന്ദ്ര സര്ക്കാര് അംഗീകരിച്ചു.സമരങ്ങള്ക്കിടെ മരിച്ച കര്ഷകരുടെ കുടുംബങ്ങള്ക്കുള്ള നഷ്ടപരിഹാരം, മിനിമം താങ്ങുവില, കര്ഷകര്ക്കെതിരെയായ കേസുകള് പിന്വലിക്കുക തുടങ്ങിയ ആവശ്യങ്ങള് കേന്ദ്രം അംഗീകരിച്ചു. ഹരിയാന, യുപി, ഡല്ഹി എന്നിവിടങ്ങളില് രജിസ്റ്റര് ചെയ്തകേസുകള് ഉടന് പിന്വലിക്കും. രേഖാമൂലം ഉറപ്പുവേണമെന്ന കര്ഷകരുടെ ആവശ്യം സര്ക്കാര് പരിഗണിച്ചു. ഉറപ്പുകള് രേഖാമൂലം കേന്ദ്രസര്ക്കാര് സംയുക്ത കിസാന് മോര്ച്ചാ പ്രതിനിധികള്ക്ക് കൈമാറി. ഇതോടെ കഴിഞ്ഞ ഒരു വര്ഷത്തിലധികമായി നടന്നുവരുന്ന ഡല്ഹി അതിര്ത്തികളിലെ കര്ഷക സമരം അവസാനിപ്പിക്കാന് ധാരണയായി.
പ്രക്ഷോഭങ്ങള്ക്കിടെ മരിച്ചവരുടെ കുടുംബങ്ങള്ക്ക് നഷ്ടപരിഹാരം നല്കാന് ഹരിയാന, ഉത്തര്പ്രദേശ് സംസ്ഥാനങ്ങള് സമ്മതമറിയിച്ചതായി കേന്ദ്ര സര്ക്കാര് വ്യക്തമാക്കി.
