ഇടുക്കി എന്ജിനീയറിംഗ് കോളേജില് എസ്എഫ്ഐ പ്രവര്ത്തകന് ധീരജിനെ കൊന്നത് താന് തന്നെയാണെന്ന് യൂത്ത് കോണ്ഗ്രസ് നേതാവ് നിഖില് പൈലി .പൊലീസ് ചോദ്യം ചെയ്യലിൽ ഇയാൾ ഇക്കാര്യം സമ്മതിക്കുകയായിരുന്നു. യൂത്ത് കോണ്ഗ്രസ് വാഴത്തോപ്പ് മണ്ഡലം പ്രസിഡന്റാണ് മണിയാറംകുടി സ്വദേശിയായ നിഖില്.
ധീരജിൻ്റെ കൊലപാതകത്തിൽ നാല് പേരെ കൂടി പൊലീസ് കസ്റ്റഡിയിലെടുത്തിട്ടുണ്ട്. നാല് പേരും എഞ്ചിനീയറിംഗ് കോളേജ് വിദ്യാർത്ഥികൾ ആണ്. എല്ലാവരും കെഎസ് യു പ്രവർത്തകരാണ്. അക്രമത്തിൽ ബന്ധമുണ്ടെന്ന സംശയത്തിൻ്റെ അടിസ്ഥാനത്തിൽ ആണ് ഇവരെ കസ്റ്റഡിയിലെടുത്തത്. ഇവരെ വിശദമായി ചോദ്യം ചെയ്യുകയാണ്. ധീരജിനെ കുത്തി കൊലപ്പെടുത്തിയ ശേഷം രക്ഷപ്പെടുന്നതിനിടയില് ഇടുക്കി കരിമണലില് നിന്നാണ് നിഖില് പിടിയിലായത്. മൊബൈല് ഫോണ് ലൊക്കേഷന് കേന്ദ്രീകരിച്ച് നടത്തിയ അന്വേഷണത്തിലാണ് നിഖിനെ കണ്ടെത്തിയത്. ധീരജിനെ കൊന്ന ശേഷം നിഖില് പൈലി ഓടി പോകുന്നത് കണ്ടെന്ന് ഇടുക്കി ജില്ലാ പഞ്ചായത്ത് അംഗം കെ ജി സത്യന് അടക്കമുള്ള ദൃക്സാക്ഷികള് പറഞ്ഞിരുന്നു. ഇന്ന് ഉച്ചയോടെയാണ് ഇടുക്കി എന്ജിനീയറിംഗ് കോളേജില് ധീരജിനെ യൂത്ത് കോണ്ഗ്രസ് പ്രവര്ത്തകര് കുത്തിക്കൊന്നത്. കുത്തേറ്റ അഭിജിത് ടി സുനില്, അമല് എ എസ് എന്നിവര് ചികിത്സയില് കഴിയുകയാണ്. നിഖില് പൈലിക്ക് ഉന്നത കോണ്ഗ്രസ് ബന്ധമുണ്ടെന്നാണ് പുറത്തു വരുന്ന വിവരം. കെപിസിസി അധ്യക്ഷന് കെ സുധാകരന്, പ്രതിപക്ഷ നേതാവ് വിഡി സതീശന് എന്നിവരുടെ അടുത്ത അനുയായിയാണ് നിഖില് പൈലി. ഇക്കാര്യം വ്യക്തമാക്കുന്ന ചിത്രങ്ങളും പുറത്തുവന്നിട്ടുണ്ട്. നിരവധി കോണ്ഗ്രസ് നേതാക്കള്ക്കൊപ്പം നിഖില് നില്ക്കുന്ന ചിത്രങ്ങളും പുറത്തുവന്നിട്ടുണ്ട്.
ഫോട്ടോ ഇടുന്നത് കുറ്റ്റം ആണോ 🤔
ReplyDelete