സംസ്ഥാനത്ത് കാലവര്ഷം ശക്തി പ്രാപിക്കുന്നു. അടുത്ത മൂന്ന് മണിക്കൂറില് എല്ലാ ജില്ലകളിലും ഒറ്റപ്പെട്ടയിടങ്ങളില് വ്യാപക മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്.
ഇന്ന് ആറ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. എറണാകുളം, തൃശൂര്, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചത്. താഴ്ന്ന പ്രദേശങ്ങളില് താമസിക്കുന്നവര് ജാഗ്രത പുലര്ത്തണമെന്ന് ദുരന്ത നിവാരണ അതോറിറ്റി നിര്ദേശിച്ചു. ഞായറാഴ്ച മൂന്ന് ജില്ലകളിലാണ് യെല്ലോ അലേര്ട്ട് ഉള്ളത്. വടക്ക് കിഴക്കന് അറബിക്കടലില് ഗുജറാത്ത് തീരത്തിനു സമീപം രൂപപ്പെട്ട ന്യൂനമര്ദ്ദം വടക്ക് കിഴക്കന് അറബിക്കടലില് സൗരാഷ്ട്ര-കച്ച് തീരത്തിന് സമീപം ശക്തികൂടിയ ന്യൂനമര്ദ്ദമായി മാറി.
അടുത്ത 24 മണിക്കൂറിനുള്ളില് പടിഞ്ഞാറു ദിശയില് സഞ്ചരിക്കുന്ന ന്യൂനമര്ദ്ദം ശക്തി പ്രാപിച്ച് തീവ്ര ന്യൂനമര്ദ്ദമാകാനും സാധ്യതയുണ്ട്.ഒഡീഷ തീരത്തിനും സമീപപ്രദേശത്തിന് മുകളില് ന്യൂനമര്ദ്ദം നിലനില്ക്കുന്നുണ്ട്. മണ്സൂണ് പാത്തി അതിന്റെ സാധാരണ സ്ഥാനത്തു നിന്ന് തെക്കോട്ട് മാറി സജീവമായിരിക്കുന്നു. ജൂലൈ 17 മുതല് മണ്സൂണ് പാത്തി വടക്കോട്ടു സഞ്ചരിക്കാനാണ് സാധ്യതയെന്നും കാലാവസ്ഥ വകുപ്പ് അറിയിച്ചു. ഗുജറാത്ത് തീരം മുതല് മഹാരാഷ്ട്ര വരെ ന്യൂന മര്ദ്ദ പാത്തി നിലനില്ക്കുന്നതിന്റെ ഫലമായി അടുത്ത അഞ്ച് ദിവസം വ്യാപക മഴയ്ക്ക് സാധ്യതയുണ്ട്.
 |
| കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക |
Also Read: മുല്ലപ്പെരിയാറിൽ ജലനിരപ്പ് ഉയർന്നു; 135 അടി പിന്നിട്ടു, മഴ തുടർന്നാൽ തുറന്നേക്കും.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക. ക്ലിക്ക്
.png)
