തൊടുപുഴ-മുട്ടം റോഡില്‍ ഓടുന്ന സ്വകാര്യ ബസിന്റെ ടയര്‍ പൊട്ടി യാത്രക്കാരന് പരിക്കേറ്റു.
ഇടതുഭാഗത്തെ പുറകുവശത്തെ ടയറുകളിലൊന്നാണ് പൊട്ടിയത്. ടയർപൊട്ടിയതിന്റെ ആഘാതത്തിൽ സീറ്റിന്റെ അടിഭാഗം തകർന്നുവീണു. സീറ്റും ഇളകിയ നിലയിലാണ്. ഈ സീറ്റിലിരുന്ന മുട്ടം ചള്ളാവയൽ സ്വദേശിയായ യാത്രക്കാരനാണ് പരിക്കേറ്റത്. ഇദ്ദേഹത്തെ തൊടുപുഴയിൽ സ്വകാര്യ ആശുപത്രിയിൽ പ്രവേശിപ്പിച്ചു. തൊടുപുഴ-പാലാ റൂട്ടിൽ സർവീസ് നടത്തുന്ന സ്വകാര്യ ബസാണ് വെള്ളിയാഴ്ച രാവിലെ ഒമ്പതരയോടെ അപകടത്തിൽപ്പെട്ടത്. മുട്ടം പോലീസ് കേസെടുത്തു.
കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക. ക്ലിക്ക്
