പുലർച്ചെ ഹോസ്റ്റലുകളിൽ മോഷണം; മോഷ്ടിക്കുന്ന മൊ​ബൈ​ൽ ഫോ​ണു​ക​ൾ ല​ഹ​രി മ​രു​ന്ന് വാ​ങ്ങാ​നാ​യി പ​ക​രം കൊ​ടു​ക്കുന്നു, ഇടുക്കി സ്വദേശി ഉൾപ്പെടെ മൂന്നുപേർ പിടിയിൽ.

      പു​ല​ർ​ച്ച ഹോ​സ്റ്റ​ലു​ക​ളി​ൽ​നി​ന്ന്​ മോ​ഷ​ണം ന​ട​ത്തി വ​ന്ന സംഘത്തെയാണ്  ക​ള​മ​ശ്ശേ​രി പൊ​ലീ​സ്​ പി​ടി​കൂടിയത്. 

 

     മ​ല​പ്പു​റം അ​രീ​ക്കോ​ട് സ്വ​ദേ​ശി ചാ​യോ​ട്ടി​ൽ വീ​ട്ടി​ൽ ജ​ലാ​ലു​ദ്ദീ​ൻ (24), ഇ​ടു​ക്കി പീ​രു​മേ​ട് സ്വ​ദേ​ശി അ​ജ​യ്( 22), പ്രാ​യ​പൂ​ർ​ത്തി​യാ​കാ​ത്ത മ​റ്റൊ​രാ​ളും ഉ​ൾ​പ്പെ​ടെ മൂ​ന്നു​പേ​രാ​ണ് പി​ടി​യി​ലാ​യ​ത്. ഹോ​സ്റ്റ​ലു​ക​ൾ, ബാ​ച്ചി​ലേ​ഴ്സ് താ​മ​സി​ക്കു​ന്ന മു​റി​ക​ൾ എ​ന്നി​വി​ട​ങ്ങ​ളി​ൽ​നി​ന്ന്​ മൊ​ബൈ​ൽ ഫോ​ൺ, ഡി​ജി​റ്റ​ൽ കാ​മ​റ, പ​ഴ്സ് എ​ന്നി​വ​യാ​ണ് പ്ര​തി​ക​ൾ മോ​ഷ്ടി​ച്ച​ത്. മ​യ​ക്കു​മ​രു​ന്നി​ന് അ​ടി​മ​യാ​യ പ്ര​തി​ക​ൾ പു​ല​ർ​ച്ച വാ​ഹ​ന​ത്തി​ൽ ക​റ​ങ്ങു​ക​യും ശ്ര​ദ്ധ​യി​ൽ​പെ​ടു​ന്ന കെ​ട്ടി​ട​ങ്ങ​ളി​ൽ ക​യ​റി പ​രി​ശോ​ധി​ച്ച് ക​യ​റാ​ൻ സൗ​ക​ര്യ​പ്ര​ദ​മാ​യ ഇ​ട​മാ​ണെ​ങ്കി​ൽ മോ​ഷ​ണം നത്തുകയുമാണ്​ ചെയ്യുന്നതെന്ന്​ പൊ​ലീ​സ് വ്യക്തമാക്കുന്നു.

             രണ്ടാഴ്ച മുമ്പ് സൗത്ത് കളമശ്ശേരിയിൽ ഹോട്ടൽ തൊഴിലാളികൾ താമസിക്കുന്ന കെട്ടിടത്തിൽ കയറി മൊബൈൽ ഫോൺ മോഷ്ടിച്ച പ്രതികൾക്ക് ആ ഫോൺ സ്വിച്ച് ഓഫ് ചെയ്യാൻ കഴിഞ്ഞില്ല. ഫോണിന്റെ ലൊക്കേഷൻ കേന്ദ്രീകരിച്ച് നടത്തിയ അന്വേഷണത്തിൽ പ്രതി ജലാലുദ്ദീനെ എറണാകുളം നോർത്തിൽനിന്നു പോലീസ് നേരത്തെ പിടികൂടിയിരുന്നു. റിമാൻഡിലായ ജലാലുദ്ദീനെ കസ്റ്റഡിയിൽ വാങ്ങി ചോദ്യം ചെയ്തതിൽ നിന്ന് കിട്ടിയ വിവരം അനുസരിച്ചാണ് കൂട്ടുപ്രതിയായ അജനെ അറസ്റ്റ് ചെയ്തത് അന്വേഷണത്തിൽ തോപ്പുംപടിയിൽ നിന്നു മൊബൈൽ ഫോണും സ്വർണമാലയും 13000 രൂപയും മോഷ്ടിച്ചതായും കൂനംതൈയിൽ നിന്നു ബാഗ് മോഷ്ടിച്ചതായും കുസാറ്റ് ഭാഗത്തുനിന്ന് ക്യാമറ മോഷ്ടിച്ചതായും കണ്ടെത്തി. ഇതുപ്രകാരം മൂന്നു കേസുകൾ കളമശ്ശേരി പോലീസ് രജിസ്റ്റർ ചെയ്തു.

കൂടുതൽ വിവരങ്ങൾക്കായി പരസ്യത്തിൽ ക്ലിക് ചെയുക

       ജലാലുദ്ദീന് പാലക്കാട്, കണ്ണൂർ എന്നിവിടങ്ങളിൽ സമാന കേസുകളുണ്ട്. അജയ ചെന്നൈയിലും കോഴിക്കോടും വിവിധ സ്റ്റേഷനുകളിലായി മൂന്നു വാഹനമോഷണക്കേസിലും പ്രതിയാണ്. മോഷ്ടിച്ച ബാഗുകളിൽ നിന്ന് ആവശ്യമുള്ളവ എടുത്ത് ബാക്കിയുള്ളത് പോകുന്ന വഴിയിൽ ഉപേക്ഷിക്കുകയാണ് പതിവ്.  മൊ​ബൈ​ൽ ഫോ​ണു​ക​ൾ ല​ഹ​രി മ​രു​ന്ന് വാ​ങ്ങാ​നാ​യി പ​ക​രം കൊ​ടു​ക്കു​ക​യാ​ണ് ചെയ്യുന്നത്​. മൊ​ബൈ​ൽ വി​റ്റ​തു​മാ​യി ബ​ന്ധ​പ്പെ​ട്ട് ഏ​തെ​ങ്കി​ലും ഷോ​പ്പ് ഉ​ട​മ​ക​ൾ​ക്ക് പ​ങ്കു​ണ്ടോ​യെ​ന്നും കേ​സി​ൽ മ​റ്റു പ്ര​തി​ക​ൾ ഉ​ൾ​പ്പെ​ട്ടി​ട്ടു​ണ്ടോ​യെ​ന്നും അ​ന്വേ​ഷി​ച്ചു​വ​രു​ക​യാ​ണ്. സി.​ഐ പി.​ആ​ർ. സ​ന്തോ​ഷി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.

Also Read:  അത്യാസന്ന നിലയിൽ എത്തിയ യുവതിയെ തിരിഞ്ഞ് നോക്കാതെ ഡോക്ടർമാർ; ചോദ്യം ചെയ്ത പിതാവിനോട് ഇതു മെ​ഡി​ക്ക​ല്‍ കോളേജ് ആണെന്നും ഇ​വി​ടെ ചി​ല ചി​ട്ട​ക​ള്‍ ഉണ്ടെന്നും മറുപടി, മുപ്പതുകാരിയായ മകളുടെ മരണം ഡോ​ക്ട​ര്‍​മാ​രു​ടെ അ​നാ​സ്ഥ​മൂലമെന്ന് പി​താ​വ്; കോട്ടയം മെഡിക്കൽ കോളേജിനെതിരെ ഗുരുതര ആരോപണങ്ങളുമായി ഇടുക്കി സ്വദേശി.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.  ക്ലിക്ക്