ബിസിനസ്സിൽ പങ്കാളിയാക്കാമെന്ന് വിശ്വസിപ്പിച്ച് വീട്ടമ്മയെ കബളിപ്പിച്ച് ലക്ഷങ്ങൾ തട്ടി; പണം തിരികെ ചോദിച്ചപ്പോൾ അ​സ​ഭ്യം പ​റ​ച്ചിലും ഭീ​ഷ​ണിയും, ഇടുക്കി അടിമാലി സ്വദേശി അറസ്റ്റിൽ.

കേ​ക്ക് ബി​സി​ന​സി​ൽ പ​ങ്കാ​ളി​യാ​ക്കാ​മെ​ന്നു​പ​റ​ഞ്ഞ് വി​ശ്വ​സി​പ്പി​ച്ച് വീ​ട്ട​മ്മ​യെ ക​ബ​ളി​പ്പി​ച്ച് ലക്ഷങ്ങൾ തട്ടിയ  കേ​സി​ൽ ഇടുക്കി സ്വദേശി അറസ്റ്റിലായി. ഇ​ടു​ക്കി മാങ്കുളം സ്വദേശി തൊ​ഴു​ത്തും​കു​ടി​യി​ൽ  പ്ര​ണ​വ് ശ​ശി​യെ (33)യാണ്  ആ​ലു​വ വെ​സ്റ്റ് പൊ​ലീ​സ് അ​റ​സ്റ്റ് ചെയ്തത്. മാ​ളി​കം​പീ​ടി​ക സ്വ​ദേ​ശി​നി​യാ​യ യു​വ​തി​യു​ടെ  പ​രാ​തി​യി​ലാ​ണ് ഇ​യാ​ൾ പി​ടി​യി​ലാ​യ​ത്. 

Also Read:  മലങ്കര ജലാശയത്തിലെ കുട്ടവഞ്ചിയില്‍ തുരുത്തിലെത്തിച്ച്‌ പീഡനം; ഇരയായത് പ്ലസ് വണ്‍ വിദ്യാര്‍ത്ഥിനി, പ്രതി ഒളിവില്‍,അന്വേക്ഷണം ഊർജ്ജിതമാക്കി പോലീസ്.

ഹോം​മേ​ഡ് കേ​ക്കു​ക​ൾ ഉ​ണ്ടാ​ക്കി വി​ൽ​പ​ന ന​ട​ത്തി​യി​രു​ന്ന യു​വ​തി​യി​ൽ​നി​ന്ന്​ 2020 മു​ത​ൽ പ്ര​ണ​വ് ശ​ശി കേ​ക്ക് വാ​ങ്ങി വി​ൽ​പ​ന ന​ട​ത്തി​യി​രു​ന്നു. ഇ​ട​പാ​ടു​ക​ൾ കൃ​ത്യ​മാ​യി ന​ട​ത്തി വീ​ട്ട​മ്മ​യി​ൽ ഇ​യാ​ൾ വി​ശ്വാ​സ​മാ​ർ​ജി​ച്ചു. താ​ൻ വ്യ​വ​സാ​യി​ക അ​ടി​സ്ഥാ​ന​ത്തി​ൽ കേ​ക്കി​ന്‍റെ നി​ർ​മാ​ണം ആ​രം​ഭി​ക്കാ​ൻ പോ​കു​ന്നു​വെ​ന്ന് വീ​ട്ട​മ്മ​യെ ബോ​ധ്യ​പ്പെ​ടു​ത്തി ഇ​വ​രി​ൽ​നി​ന്ന്​ പ​ല​ത​വ​ണ​യാ​യി പ​ണ​മാ​യും സ്വ​ർ​ണ​മാ​യും 3,72,500 രൂ​പ ഇ​യാ​ൾ കൈ​ക്ക​ലാ​ക്കി.

 ബി​സി​ന​സ് ആ​രം​ഭി​ക്കാ​താ​യ​തോ​ടെ വീ​ട്ട​മ്മ​ക്ക് ഇ​യാ​ളി​ൽ സം​ശ​യം തു​ട​ങ്ങി. പ​ണ​വും സ്വ​ർ​ണ​വും തി​രി​കെ ചോ​ദി​ച്ച വീ​ട്ട​മ്മ​യെ ഇ​യാ​ൾ അ​സ​ഭ്യം പ​റ​യു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്തു. ഇ​തേ​തു​ട​ർ​ന്ന് വീ​ട്ട​മ്മ പൊ​ലീ​സി​ൽ ന​ൽ​കി​യ പ​രാ​തി​യെ തു​ട​ർ​ന്നാ​ണ് പ്ര​തി​യെ പൊ​ലീ​സ് അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.

കൂടുതൽ വാർത്തകൾക്കായി വാട്‌സാപ്പ് ഗ്രൂപ്പിൽ അംഗമാവുക.ക്ലിക്ക്