തൊടുപുഴക്ക് സമീപം മദ്യലഹരിയിൽ നടുറോഡിൽ ഭർത്താവും ഭാര്യയും ഏറ്റുമുട്ടിയതിനെ തുടർന്ന് 20 മിനിട്ടോളം ഗതാഗതം സ്തംഭിച്ചു. ഇന്നലെ ഉച്ചകഴിഞ്ഞ് മൂന്ന് മണിയോടെ മങ്ങാട്ടുകവല- വെങ്ങല്ലൂർ നാലുവരി പാതയിൽ നിന്ന് ഏഴല്ലൂരിലേക്ക് പോകുന്ന റോഡിലായിരുന്നു സംഭവം.
ഇടുക്കി ഉപ്പുതറ സ്വദേശികളായ വലയത്ത് വീട്ടിൽ അനീഷ് (34), ഭാര്യ അഞ്ജലി (34) എന്നിവരാണ് റോഡരികിൽ പിക്കപ്പ് വാൻ നിറുത്തിയിട്ട ശേഷം വഴക്കിട്ടത്. ഭാര്യയുടെ ആക്രമണത്തിൽ ഭർത്താവിന്റെ മുഖത്ത് പരിക്കേറ്റിട്ടുണ്ട്. ഗതാഗത തടസമുണ്ടായതിനെ തുടർന്ന് തൊടുപുഴ പൊലീസ് സ്ഥലത്തെത്തി ഇരുവരെയും കസ്റ്റഡിയിലെടുത്തു. പൊതുസ്ഥലത്ത് മദ്യപിച്ച് ബഹളമുണ്ടാക്കിയതിന് പൊലീസ് ഇരുവരെയും അറസ്റ്റ് ചെയ്ത ശേഷം ആൾജാമ്യത്തിൽ വിട്ടയച്ചു.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
.jpeg)
