റിപ്പോര്ട്ടര് ടി വി പുതുമകളോടെ സംപ്രേഷണം തുടങ്ങി. വാര്ത്തകളെ മികച്ച സാങ്കേതികവിദ്യയുടെ പിന്ബലത്തില് സത്യസന്ധമായി പ്രേക്ഷകരിലേക്കെത്തിക്കുമെന്നതാണ് റിപ്പോർട്ടർ നല്കുന്ന വലിയ ഉറപ്പ്.
മലയാള ദൃശ്യ വാർത്താചരിത്രത്തില് പുതിയ അധ്യായത്തിന് തുടക്കമായിരിക്കുകയാണ് എന്നാണ് ചാനൽ അധികൃതർ വ്യക്തമാക്കുന്നത്. കൊച്ചിയിലെ റിപ്പോര്ട്ടര് ടിവി ആസ്ഥാനത്ത് നിന്ന് റിപ്പോർട്ടർ ബ്രോഡ്കാസ്റ്റിംഗ് കമ്പനി പ്രൈവറ്റ് ലിമിറ്റഡ് ചെയർമാൻ റോജി അഗസ്റ്റിൻ ചാനലിന്റെ സ്വിച്ച് ഓൺ കർമ്മം നിർവഹിച്ചു.
വൈസ് ചെയർമാൻ ജോസ് കുട്ടി അഗസ്റ്റിൻ, മാനേജിംഗ് ഡയറക്ടറും മാനേജിംഗ് എഡിറ്ററുമായ ആന്റോ അഗസ്റ്റിൻ, നെറ്റ് വർക് പ്രസിഡന്റ് അനിൽ അയിരൂർ, എഡിറ്റർ ഇൻ ചീഫ് എം വി നികേഷ്കുമാർ, കൺസൽട്ടിംഗ് എഡിറ്റർ ഡോ. അരുൺകുമാർ, എക്സിക്യൂട്ടീവ് എഡിറ്റർ സ്മൃതി പരുത്തിക്കാട്, റിപ്പോർട്ടർ ഡിജിറ്റൽ ഹെഡ് ഉണ്ണി ബാലകൃഷ്ണൻ, കോ ഓർഡിനേറ്റിംഗ് എഡിറ്റർ സുജയ പാർവ്വതി എന്നിവർക്കൊപ്പം ഏഷ്യയിലെ ഏറ്റവും വലിയ AR, VR, XR സ്റ്റുഡിയോയില് നിന്ന് റിപ്പോര്ട്ടര് ഇനി പ്രേക്ഷകരിലേക്ക് എത്തുന്നത്. ഓഗ്മന്റെൽ റിയാലിറ്റി, വെർച്ച്വൽ റിയാലിറ്റി, എക്സ്റ്റെൻഡഡ് റിയാലിറ്റി തുടങ്ങിയ സാങ്കേതിക മികവിലാണ് ഇനി ഓരോ വാർത്തയും പ്രേക്ഷകരിലേക്ക് എത്തുന്നത്.
കൂടുതൽ വാർത്തകൾക്കായി വാട്സാപ്പ് ഗ്രൂപ്പിൽ അംഗമാവുക.ക്ലിക്ക്
